Sa maikling salitang iyon ay kaagad naman na napa-isip ang babae at hindi rin naman nagtagal ay kaagad itong tumango tango. Kaagad na naintindihan ng babae ang gusto na iparating ni Li Xie.
"Mana, hindi na rin nakakapagtaka," sambit ng babae at saka tumango. "Ah, ako nga pala si Chua Ju Daiyu!" Inilahad naman ni Chua Ju Daiyu ang kaniyang kamay upang makipagkamay kay Li Xie.
"Li Xie," sambit nito.
"Li Xie…" pag-uulit ni Chua Ju Daiyu. "Pamilyar," dagdag nito. Ngumiti lamang si Li Xie at hindi na nagsalita pa. "Mauna na ako, ha? Sa susunod nating pagkikita Li Xie! Ah, friends na tayo, ha?"
Kaagad naman na tumango si Li Xie at nagpaalam kay Chua Ju Daiyu.
Nang mawala na ang dalaga ay kaagad naman na isinara ni Li Xie ang silid nila gamit ang mana at saka sila nagbalik sa kanilang pag-uu
