Umagang umaga ay nasa Red Bean Inn na kaagad sina Li Xie, Li Hu, Li Merna, at Qin Fan. Nakasuot pa rin si Li Xie ng kapa at hindi pa rin naman niya pinapakita ang kaniyang mukha ganoon din naman si Li Merna at Li Hu na siyang kilalang kilala roon bilang isa sa mga Young Misses at Young Masters ng Li Family.
"Bakit ba mga naka kapa kayo? Sana ako rin e, 'no?" Nakangalumbabang sambit ni Qin Fan habang nakatingin sa mga kasama niya.
"Hindi mo naman kasi sinuot ang iyo," kaagad naman na bweltahe ni Li Merna sa kaniyang kaibigan.
Nagkibit balikat si Qin Fan saka sinabing, "Kung magkakapa rin ako ano na lamang ang sasabihin sa atin ng mga tao rito? Hindi ba mas nakakaagaw iyon ng pansin?"
Hindi naman nagsalita si Li Merna dahil alam naman na niya ang ibig sabihin ni Qin Fan. Tahimik lang din
