Halos hindi makahinga si Li Xie nang makabalik silang dalawa ni Lin Xui Ying sa kanilang silid sa kanilang tinutuluyan. Hawak hawak niya ang kaniyang dibdib habang ang kaniyang luha ay patuloy sa pagpatak, ang kaniyang mga kamay ay nanginginig at ang kaniyang dibdib ay naninikip.
Hindi alam ni Lin Xui Ying ang kaniyang gagawin at ang tangin kaya lamang niyang gawin sa mga oras na iyon ay ang yakapin at iparamdam kay Li Xie na naroon siya at nasa tabi lamang siya nito. Hindi maialis naman ang sakit sa dibdib ni Lin Xui Ying ang nakikita niyang kahinaan ni Li Xie ngayon sa kaniyang harapan. Ito ang kauna unahang beses na nakita niya si Li Xie sa ganoong sitwasyon.
'Pagkatapos ng ganitong pangyayari hinding hindi ako papayag na mangyari pa ito sa iyo, hindi ako papayag na umiyak at manginig
