“BAKA may gusto ka pang puntahan? Puwedeng balikan mo na lang ako mamaya para naman sa dinner natin."
Malungkot itong nag-angat ng ulo st tumingin sa kaniya. “Pinapaalis mo na ba ako?”
Nahihirapan lang akong mag-concentrate sa trabaho habang nandito ka. sagot ng kaniyang isip. “Hindi naman sa gano'n. Iniisip ko lang na baka mainip ka sa kahihintay sa’kin. Hindi kita ma-e-entertain kung dito ka lang tapos tambak ang trabaho ko. Madami akong tatapusin, 'di ba?"
"Don’t worry. Hindi naman kita iistorbohin, eh. Uupo lang ako dito. Mas nakakainip kasi sa bahay. Wala naman akong gagawin doon. Wala rin akong ibang pupuntahan."
Nakumbinse naman siya ni Samuel Junior. At saka mukhang wala talaga itong balak na magpataboy kaya hindi na lang niya pinilit pa.
“Okay," aniya at muling binalikan an
