“SIYA ba, hija?” Napapitlag si Micah nang magtanong ang kaniyang Mama mula sa likuran niya habang kumukuha siya ng tubig.
Sandaling natigilan sa ginagawa ang dalaga at kinabahan bigla, “Ang alin po, Ma?” patay-malisya na tanong ng dalaga nang humarap siya sa ina.
“Iyong gumugulo sa isipan mo simula nang bumalik ka mula sa business trip mo sa Singapore? May nangyari ba sa inyo?"
Inaasahan na niyang magtatanong ito tungkol sa panliligaw ni Samuel Junior pero hindi niya lubos akalain na magkaroon ito ng ideya tungkol sa nangyari sa kanila noon ng binata. Dahil sigurado siya na walang ibang pinagsabhihan si Samuel Junior hanggang ngayon. Tingin kasi niya sa binata ay hindi ito ang tipo ng ‘kiss and tell’ guy. Nag-aalala tuloy siya kung paano iyon naisip ng ina.
“Ma, kailan lang po kami na
