PAKIRAMDAM ni Micah ay nanigas ang buong katawan niya dahil ilang hakbang na lang ang layo sa kanila ng asawa ni Bianca na si Roy na kasama ang estrangherong lalaki na naka-one night stand niya noon.
Kaya nga lalong napatunayan ng dalaga na sigurado siya sa bagay na iyon. Hindi siya namamalik-mata o nagkakamali lang.
“Okay ka lang ba?” nagtatakang tanong sa kaniya ng kaibigan nang mapansin nito ang kaniyang pangangatog.
“Y-yes, Bianca. Okay lang ako. Sumakit lang bigla ang ulo ko. But don't worry. Baka sa init lang," agad naman na bawi ni Micah sa palusot niya dahil baka mag-aalala pa ang kaibigan niya.
"Akala ko naman kung napaano ka na. Mamaya binigyan kita ng Paracetamol. May dala yata ako sa pouch ko." Kahit noong college pa man sila ay ugali na ni Bianca ang magdala ng iba't iba
