Kanina pa tinitingnan ni Samuel Junior si Micah na masayang nakikipag-usap sa lalaking ka-partner raw nito sa entourage kanina na dapat ay siya. Hindi niya maintindihan kung bakit pinagsisisihan niya ngayon na hindi siya nakadalo at ibang lalaki ang nakapareha nito.
Ngunit lalong naguguluhan si Samuel Junior sa kaniyang sarili kung bakit siya naiinis sa lalaking iyon samantalang wala naman itong ginagawang masama sa kaniya. Siguro dahil kanina pa niya ito napansin na panay ang tingin nito kay Micah. At ngayon nga ay masayang nag-uusap ang dalawa. Hindi naman siya dapat mangialam pa kung nililigawan nito ang dalaga dahil hindi naman niya kaanu-ano si Micah pero hindi niya talaga mapigilan ang sarili na maapektuhan. Pakiramdam kasi niya ay pag-aari na niya ang dalaga simula nong may nangyar
