"KANINA ka pa ba diyan?" tanong ni Micah sa nobyo na titig na titig sa kaniya sa mga sandaling iyon.
"Hindi naman gaano." May ngiti sa mga labi ni Samuel Junior na dahan-dahan itong humakbang palapit sa kaniya. Tumigil ito sa harapan niya at sakw siya hinapit sa beywang. "Narinig ko lang naman ang sinabi mo sa Mama mo na hinding-hindi mo ako pakakawalan," dagdag pa nito na tila kinikilig.
Medyo nahihiya pa si Micah na narinig ng kaniyang nobyo na sinabi niya iyon sa mama niya.
Pero naisip niya na bakit nga ba siya nahihiya? Ano ba ang ikinakahiya niya? Na mahal niya ito? Ngayon pa ba iyon mararamdaman kung kailan ilang beses na niyang isinuko ang kaniyang sarili.
Tumikhim si Micah at taas-noo na sinalubong ang malagkit na titig sa kaniya ni Samuel Junior. "O, bakit? May mali ba sina
