DALAWANG ARAW na simula nang magkahiwalay sina Micah at Samuel Junior. Umalis na nga ang kaniyang nobyo pauwi ng California para sa misyon nito. Kaya naman lungkot na lungkot ang dalaga. Dalawang araw pa lang na hindi niya ito nakikita at nakakasama ay parang katumbas na iyon ng dalawang buwan.
Lalo na at ayon kay Samuel Junior bago ito umalis, baka hindi raw muna nila maka-chat o matawagan ang isa’t isa. Maselan daw kasi ang misyon nito na pinagbabawalang makipag-kontak kahit kanino. Pero nangako naman ang nobyo na sa oras daw na magkaroon ito ng pagkakataon ay agad na tatawag o kahit mag-text sa kaniya. Kaya nga sa loob ng dalawang araw na nawala ito ay panay lang ang abang ni Micah sa cellphone niya. Kahit boses lang ni Samuel Junior ang marinig niya at malaman niyang ligtas ito ay mas
