SAMANTHA’S POV
TINUPAD namin ni Carlos ang pangako namin kay Tep-tep na bigyan ng hustisya ang nangyari sa kanilang mag-ina. Kinausap namin ang abogado na kaibigan ni Carlos, si Erron, kung paano mabawi ang bahay na ipinundar ni Aling Neneng. Ang sabi niya, hindi naman daw malabong mangyari iyon lalo na at may sapat na perang katumbas.
Pati na rin ang tungkol sa mga tao na nanira sa hanapbuhay ng mag-ina ay ipinaubaya na rin namin kay Erron.
Dahil ayaw nang bumalik ni Tep-tep sa pag-aaral at gusto na lang nitong alagaan ang anak na si Totoy kaya binigyan na lang namin siya ng pera na puwede niyang gawing puhunan sa pagtatayo ng ano mang negosyo na nagustuhan niya.
“Nakakahiya po talaga sa inyo, Ate, Kuya. Pero dahil ayaw ko na magtampo kayo kapag hindi ko ito tinanggap kaya tatanggga
