SAMANTHA’S POV
ILANG ORAS na rin naming nakasama si Tep-tep pero hanggang ngayon ay hindi pa rin makapaniwala ni Carlos na pagkalipas ng maraming taon ay natagpuan din namin ang batang parehong naging malapit sa amin noon.
“Grabe, Ate Ganda, Doc Pogi, hindi pa rin po ako makapaniwala na nakita ko na uli kayo. At dito pa talaga sa paboritong park n’yo noon,” paulit-ulit din na saad ni Tep-tep habang tuwang-tuwa siya. Until now, napaka-masayahin pa rin talaga niya. “Mas lalong hindi po ako makapaniwala na kilala n’yo pa pala ako. Ang tagal na rin po ng panahon na hindi tayo nagkita. Akala ko nga, nakalimutan n’yo na ako, eh.”
“At bakit ka naman namin makakalimutan, Tep-tep? Tuwang-tuwa kaya kami sa’yo noon kasi gandang-ganda ka sa’kin at poging-pogi ka naman kay Carlos,” pabiro na saad k
