SAMANTHA’S POV
KAHIT dinig na dinig naman na ni Cherry Mae ang sinabi ni Mommy na ako raw ang hinanap ni Carlos pagkagising niya, nakipag-unahan pa rin siya sa akin sa pagpunta sa asawa ko. Hindi na muna ako sumabay sa kaniya at hinayaan ko siya na siya ang unang makita ni Carlos.
Kabado rin kasi ako na baka hindi naman talaga bumalik pa ang alaala ng asawa ko. Baka naman kaya lang niya ako hinahanap kasi baka naalala niya ang nangyari kagabi at nag-worry siya sa’kin.
Kaya hindi na muna ako lumapit kay Carlos at hinayaan ko muna ang bruhang Cherry Mae na kunwaring alalang alala talaga siya sa asawa ko.
Nakakagigil!
“Hon, kumusta na ang pakiramdam mo? Sabi ko naman kasi sa’yo na pauwiin mo na lang sa kanila ang Samantha na ‘yon, eh. Dahil puro kapahamakan lang ang dala sa’yo ng babae
