SAMANTHA’S POV
WALANG TIGIL ang aking pag-iyak at pag-aalala habang naghihintay ako dito sa labas ng operating room kung saan dinala si Carlos para gamutin ang mga sugat niya sa ulo. Malala ang pagkapalo sa kaniya ng lalaki kaya nawalan siya ng malay.
Ayon sa imbestigasyon ng mga pulis na dumating kanina sa bahay, mga magnanakaw daw ang dalawang lalaki na nanloob sa bahay namin. Nakita raw ng mag-inang Tom at Tita Carol na pumasok sa bahay namin ang mga lalaking iyon. Gusto raw sana nilang pigilan pero natakot sila nang makitang may hawak na baril ang mga ito. Hindi rin daw nila kami matawagan kasi baka magulantan ang mga magnanakaw at mas mapahamak pa kami. Kaya ang ginawa raw nila, tumawag na lang sila sa pulis.
At ang mga pulis ang nakabaril sa lalaking pumalo kay Carlos. Dahil ang p
