SAMANTHA’S POV
DALAWANG BESES pang may nangyari sa amin ni Carlos kagabi bago kami tuluyang naghiwalay. Kaya naman ang sarap ng gising ko kinabukasan. Hindi man kami magkatabing natulog, kahit papaano ay panatag na ang loob ko. Dahil nangako sa akin ang asawa ko na hindi niya tatabihan sa kama ang naaalala niyang asawa na si Cherry Mae. At malaki ang tiwala ko na tutuparin niya iyon.
May ngiti pa sa aking mga labi na nag-unat muna ako bago ako humarap kay Baby Ellie sa tabi ko na mukhang mas nauna pang nagising sa akin. Pero dahil mabait siya at hindi iyakin kaya hindi naistorbo ang tulog ko. Hinatid siya ni Mommy kaninang madaling araw kasi umiiyak daw at parang hinahanap ako.
Nakangiti na hinaplos ko ang kaniyang pisngi. “I’m sure na nami-miss mo ng katabi sa pagtulog ang Daddy Carlo
