“HIJA, huminahon ka. Hindi pa naman natin nakakausap si Samuel Junior, eh. Kailangan pa nating kumpirmahin sa kaniya ang mga nakalagay diyan sa resultang ibinigay sa atin ni Mr. Baldomar,” wika ng kaniyang ina habang pilit siyang pinapakalma.
Halos mag-histerikal si Micah pagkatapos niyang malaman na ang tunay na ama nina Xia at Xandra ay walang iba kundi ang nobyo niyang si Samuel Junior. Ang nobyo niya naging kasintahan din pala ng Ate Donitah. Pakiramdam niya ay para siyang binuhusan nang malamig na tubig. Iyong tipong nagyeyelo sa lamig. Na pati mga buto at kalamnan niya ay nanginginig.
Para siyang binagsakan ng langit sa natuklasan!
“Tama ang Mama mo, Hija. Kumalma ka muna hangga’t hindi natin nakakausap si Sir Samuel. Sigurado namang hindi iyon tatanggi, eh. At papayag iyon na m
