KABANATA 72:
TAHIMIK ako simula ng natapos ang guesting. Hanggang pagdating sa sasakyan ay ganoon parin. Niloloko na nga ko ni Yenny pero di ko na lang pinapansin. Parang ngayon lang nag-sink in sakin iyong mga sinagot ko sa interview kanina.
Ngayon lang ako masyadong tinablan ng hiya sa mga sinabi ko at reaksyon ko kanina pagkatapos ay nanunuod siya. Ramdam ko din ang panaka-nakang sulyap niya sakin mula sa rearview mirror. Pinipigilan ko ang sarili na tumingin din doon at nanatili ang tingin ko sa labas ng bintana. Kahit na nangangawit na ang aking leeg ay nanatili ako sa ganoong posisyon.
Ang dalawa ay tulog na sa tabi ko. Masyado ng gabi at pare-pareho na kaming pagod. Dagdagan na trapik pa kaya mas lalo kaming nagtagal sa kalsada. Humikab ako pagkatapos ay tinakpan
