Ang Alamat ni Prinsipe Malik
AiTenshi
Part 28: Ang Handog ni Salem
Natulala ako sa aking nabasa, ganoon na lamang ba kabilis nawala ang lahat? Minahal ba talaga ako ni Malik o napilitan lamang itong pakasalan ako upang gamitin sa pag tupad ng mga nakasaad sa lumang kasulatan? Para saan pa ang lahat ng ito kung wala na rin si Malik sa aking piling? Mabuti pa siguro ay bumalik na lamang ako aking mundo kung saan maaari kong makalimutan ang lahat.
Muli kong natagpuan ang aking sarili na nakatulala at pinag mamasdan ang kawalan. Damang dama ko ang pag patak ng luha sa aking mata na gumuguhit sa aking pisngi pababa ng aking labi. Tila hirap na hirap ang aking pusong tanggapin ang katotohanan na iniwan na akong ng taong aking pinaka mamahal. Habang nasa ganoong pag iisip ako ay bigl
