"What a hell of life! Maaga pa naman, sino kaya ang mga walang magawa sa mga ito't ako pa ang naisipang disturbuhin!" Ngitngit ni Agatha.
Nais pa nga niyang matulog kaso paano siya makakatulog sa lagay na iyon? May kung sinong poncio pilatong nangangaloring na yata sa harap ng cabin niya. Malayo pa naman ang pasko sa pagkakaalam niya ngunit ang mga luko-luko ay siya na naman ang napagtripan. Muli siyang nagtago sa ilalim ng comforter niya kaso mas lumalakas ang ingay ng mga nasa labas.
"Ahhh! Humanda ka, kung sino ka mang disturbo sa pagtulog ko dahil makakatikim ka sa akin!" Bumalikwas siya sa higaan niya.
Sa inis na lumulukob sa kaibutuwiran ng puso niya ay hindi na niya naisip ang mag-ayos sa sarili bago buksan ang cabin's door niya. Sino pa ba ang makakaisip sa bagay na iyon samant
