“We’re here!”
Umalingawngaw ang bibong boses ni Marco nang tuluyan kaming makarating sa daungan ng pribadong isla na nirentahan ni Lolo Henry. Unang bumungad sa akin ang puting-puti at pinong-pinong buhangin. Kaylinaw rin ng tubig at hindi gaanong kalakasan ang alon.
Hindi kalayuan sa amin ay naroon ang hilera ng mga puno ng niyog na siyang mas nagpaganda sa beach. Kita ko rin ang mga gusali na gawa sa kahoy, varnished amacan at salamin. Napaka-preskong tingnan ng buong lugar.
“Welcome to Isla Putli!” Iyon ang mga salitang bumungad sa akin habang inaalalayan ako ni Logan pababa sa yate. At nang makaapak ako sa puting dalampasigan ay agad nila akong sinuotan ng kwintas na gawa sa bulaklak. Gano’n na rin ang iba ko pang kasama.
Agad kong inilibot ang tingin sa paligid. Hindi pa gaanon
