“Master Alem!” ang sigaw ni Lihau na pumasok sa library.
Nasa ganoon pa rin silang ayos at nakatulog na nang ilang minuto nang sumulpot ang butler. Kung kaya naman ay nakita sila na ganoon ni Lihau. Napanganga naman ito sa nasaksihan.
Napadilat ng mga mata si Alemana ngunit ‘di pa rin nagising ang dalaga. Marahan siyang umupo nang matuwid at bahagyang napaunat. Sinenyasan niya ang butler na umalis. Tumalima naman ito kaagad nang walang salita.
Napatitig siya sa mukha ng dalaga. Parang gusto niyang haplusin ang makinis na pisngi nito. Naaalala pa niya tuloy ang nangyari kaninang madaling-araw habang suot lang nito ang nightshirt. Naasar talaga siya dahil nakita ng mga trabahador niya sa rancho sa ganoong ayos ang dalaga. Wala man lang itong kaalam-alam na nakakahalina itong tingnan sa pa
