Sa sumunod na umaga ay inis na inis si Zoie dahil hindi siya nakatulog kagabi. Palaging naiisip niyang magkatabi sa kama sina Alem at Claire. Sa katunayan pa nga ay maraming imaheng sumulpot sa kaniyang isipan. Mga erotikang eksena sa pagitan ng dalawa.
“Grr! Kainis kayo!” sigaw pa niya. Alam naman niyang hindi siya maririnig ng mga ito.
Nag-jo-jog siya sa rancho katulad ng dati. Nakasalubong pa niya si Huapala sa kaniyang daanan. Tumigil muna siya at nag-usap sila hanggang sa dumating ang truck ni Alemana at pumarada ito sa harap ng ranch office nito.
“I think I’ll leave you now,” ang sabi ni Huapala nang makita ang nakasimangot na mukha ng amo.
Hinawakan naman ni Zoie ang kamay nito upang pigilan ito sandali habang nakangiti rito. Ginawa niya talaga iyon nang sadya. Kahit alam iyon
