Hindi naman kalayuan ang San Clemente Police Station, pero parang napakahaba ng biyahe.
Naramdaman ko na lang na may humawak sa kamay kong nasa ibabaw ng hita ko. Nilingon ko iyon, pati na nung natangay ang kamay ko hanggang sa magtapos sa paghalik doon ni Brandon ay hindi ko hiniwalayan ng tingin ang kamay ko na ngayon ay hawak na ni Brandon.
“Don’t overthink. Kumalma ka lang. Nandoon na si Attorney Chavez kanina pa habang nasa S.A.N, pa tayo. He’s fixing what needs to be fixed,” sabi ni Brandon habang nakatingin sa daan at habang hawak pa rin ang kamay ko.
Nabalot ng pag-asa ang puso ko. Sana nga makagawa ng paraan iyong attorney ni Brandon. Sana mailabas agad si Nikko.
NANG makarating na kami sa San Clemente Police Station, kulang na lang ay bumaba na ako ng sasakyan ni Brandon at
