Nagising ako nang tila pakiramdam ko ay may katagalan na kaming nakahinto at hindi na umaandar ang taksi na sinasakyan ko. Hirap na hirap ako na idinilat ang mga mata ko. Pinilit ko iyong itutok sa harapan.
Likuran ng isang wala pang plaka na kotse ang nabungaran ko. Paglingon ko sa labas ng bintana sa tabi ko, isang pampasaherong dyip na may sakay na iilan na lang na pasahero ang naroroon. Pansin ko na tila nakapatay ang makina nito.
Paglingon ko naman sa kasalubong na lane, umaandar naman ang mga sasakyan doon pero ubod ng bagal na para bang nagpu–prusisyon. Isa pa, isang
lane lang nagagamit nila kaya siguro may kabagalan ang takbo ng mga sasakyan sa kabila. Pero makalampas namin sa banda namin ay bumibilis na ang patakbo nila.
Napasulyap ako sa digital na orasan na nasa harap nu
