Bumaba ako sa second floor para dalawin si Leslie. Mabuti na at maagang pumasok ang bruha.
“Leslie!”
Agad na lumingon si Leslie nang marinig niya ang pangalan niya.
“Uy, Stella!”
Agad na tumakbo papunta sa akin si Leslie.
“Kumusta ka na? Long time no hear, ah?” nakangiting bati niya.
Nagkibit-balikat ako, “eto…”
Araw-araw may early morning session kay Brandon… katulad ngayon, kakatapos lang namin…
Gusto ko sanang idugtong, pero hindi pwede. Nakasaad sa pinirmahan kong kontrata na kaming dalawa lang ni Brandon ang dapat makakaalam ng kasunduan namin na iyon, at kung anuman ang mga mangyayari sa loob ng kasunduan na iyon.
“Bakit parang blooming ka, friend?” kunot-noong tanong ni Leslie habang matamang pinagmamasdan ang mukha ko.
Bahagya akong natigilan. Paano kaya nasabi ni L
