"No," sagot ni Iya sa tanong n'ya. Kumunot ang noo n'ya habang titig na titig sa mga mata ng asawa. Hindi s'ya nagkakamali ng nakikita sa mga mata ng asawa. Alam n'yang nararamdaman din ni Iya ang nararamdaman n'ya. Pero bakit ito tumatanggi ngayon. Kitang-kita n'ya sa mga mata ng asawa ang init at pagnanasa na s'yang nararamdaman din n'ya. Pero anong dahilan at tumatanggi sa kanya ang asawa?
"I can't, Giovanni," patuloy nito.
Humugot s'ya ng malalim na paghinga at lumayo ng isang hakbang kay Iya. Kung hindi n'ya gagawin ang bagay na 'yon ay baka kung ano ang magawa n'ya sa asawa. Baka hindi s'ya makapagpigil at ipilit n'ya ang gustong mangyari at panigurado sisigaw ng rape ang asawa, bagay na hindi n'ya gustong mangyari, dahil baka iwan s'ya nitong muli, at hindi na n'ya kayang mawala p
