Gabi na ng makauwi sila ng asawa mula sa bahay ng Mama ni Giovanni, nais nga nitong doon na sila muna matulog tumanggi lang si Giovanni, at nagsabi sa susunod doon sila matutulog, ngayon daw kasi sinusulit pa nilang mag-asawa ang pagsasama nila. Bagay na alam n'yang palusot lang ng asawa. Alam n'yang hindi sila pwedeng matulog sa bahay ng Mama nito at matulog sa magka hiwalay na silid, mahahalata ng byenan ang totoong estado ng pagsasama nila.
Bibit ang mga bulaklak na bigay ng asawa nauna na s'ya sa pagpasok sa loob ng bahay. Agad s'yang nagtuloy sa kusina para humanap ng vase na paglalagyan sa mga bulaklak. Napangiti s'ya ng mailagay sa vase ang mga pulang rosas. Hinawakan n'ya ang isa at inamuy-amoy. First time n'ya makatanggap ng bulaklak kaya tuwang-tuwa s'ya, sa sobrang tuwa nga n'y
