"ARRHHHGGH..." halinghing niya at saka dahan-dahan siyang naglakad patungo sa napakabangong amoy na iyon. Halos manginig ang kanyang katawan sa sobrang excited na masilayan ang masarap na putaheng kanyang naaamoy.
Ngunit napakunot noo siya at naipilig ang kanyang ulo dahil bakit tila yata pinupunterya ng kanyang isipan na pasukin ang silid kung saan natutulog ang kanyang mahal na si Janine. Nasa kanyang isipan lamang iyon pero hindi niya kayang kontrolin ang kanyang katawan, patuloy lamang siya sa paglalakad palapit sa silid ng kanyang mahal.
Ibig sabihin unti-unti ring nawawala ang katinuan ng kanyang isipan lalo na at ang nasa kanyang isipan lamang ngayon ay ang masarap na putaheng makakatulong para mapawi ang pagkagutom at pagkauhaw niya. Napakabango niyon tila ba walang kasing sar
