Pasado alas sinko na ng tumigil sa pagwawala ang halimaw, may bukang liwayway na sa labas kaya batid niya na bumalik na sa dating anyo ang kanyang ama.
Agad siyang lumapit dito at hinila niya ang kumot na nakatalukbong sa buong katawan nito. Kung paano niya ito kinadena kanina at paano pinupwesto ito sa kama y gano'n pa rin ang itsura nito tila nanghihina ito pero bumalik na ang anyo nito sa dati.
"K-Khalil anak, patawarin mo sana ako. Hindi ko napigilan, hindi ko kagustuhan iyong nangyari sa akin kagabi. Nakalimutan ko na paparating na pala ang kabilugan ng buwan kaya hindi ko napaghandaan ang pag-atake kagabim Pasensya na hindi ko talaga iyon ginusto sana mapatawad mo pa ako." hinging paumanhin nito sa kanya.
Mababakas sa boses nito ang kahihiyan pero kahit na humingi pa ito ng kapa
