Ilang oras din nag-inuman ang dalawa hindi naman maki-alak ang mga ito mas marami lang ang kwentuhan kesa sa pag-iinom. Malapit na mag alas kwatro ng hapon kaya pala nakakaramdam na siya ng pagkagutom. Minabuti niya na bumaba para naman makabili siya ng meryenda.
Sa paglabas niya ay sige pa rin ang kwentuhan ng dalawa, kukunti naman na ang iniinom at mukhang may tama na rin ang kanyang kuya. Nakadalawang bote na pala ang mga ito ng alak hindi rin naman kasi masyadong sanay uminom ang kanyang kuya kaya siguro tinamaan na ito sa kakaunting ininom na iyon ng dalawa.
"Sha-an ang punta mo J-Jhanine? Bababa ka ba, baka naman pwedeng bilhan mo pa kami ng i-sha-ng bote alam mo naman mauubos na ito." mapungay ang matang wika ng kanyang kuya, sa kanya mukhang tinamaan na talaga ng iniinom nito. K
