Halos magimbala ang kanyang buong pagkatao ng unti-unting magbago ang anyo ng kanyang mahal. Napaatras siya habang nanlalaki ang kanyang mga mata. Nagtataasan ang kanyang mga balahibo pero hindi naman niya maalis-alis ang paningin sa kanyang mahal na hindi na halos niya makilala ngayon.
Unti-unting nagbabago ang anyo ng kanyang Kuya Khalil. Ang dating maputi at makinis na balat ay tila nagkaron ng mga pangit na ugat at malagong balahibo. May tumubo ring mahabang pangil sa ngipin nito at maging ang gwapo nitong mukha tinubuan din ng mga bukol na nakakadiring tingnan.
Patuloy din sa pagtulo ang malagkit at masasang ang amoy na laway nito, na kapareho noong amoy na naamoy niya dito sa kanilang bahay noong nakaraang linggo.
Maging ang dila nito ay humaba na rin na halos magpatayo ng l
