Mga bandang alas kwatro ng madaling araw.
Bumalik na sa dati niyang katauhan si Khalil. Hinang-hina ang kanyang katawan, parang naubos ang kanyang lakas dahil siguro sa pagpupumiglas niya sa pagkakagapos ng kanyang mga kamay at paa.
Agad na napahagulhol siya ng makita si Janine na nakaunan sa kanyang kanang braso at himbing na natutulog ito. Bago niya igapos ang kanyang sarili kagabi inaasahan niya na hindi na niya maaabutan pa si Janine sa pagbabalik niya sa normal niyang katauhan.
Pero ngayon para siyang nananaginip dahil himbing na himbing ito sa pagtulog sa kanyang tabi, tila walang nangyaring kung ano dahil payapa lamang ito.
Nananaginip lang ba siya o ano, imposibleng hindi ito natakot sa kanya. Ang iniisip niya ay aalis na ito at iiwan siya o kaya ay tatawag ito ng mga pul
