Matapos niyang ayusin ang kanilang hinigaan ay minabuti niya na mag-init na rin ng tubig para makapagkape. Ang pasaway niyang mahal hindi naman lamang nagawang magkape dahil sa ni hindi nito sinabi sa kanya na may lakad pala ang dalawa.
Ayon tuloy ni hindi siya nakapag- asikaso para nakakain sana muna ang dalawa bago nagtungo sa dulungan para mamili. Ataw pa naman sana niyang hindi nag-aalmusal ang kanyang mahal. Alam niyang magtitiis ito ng gutom dahil hindi naman ito basta-basta kumakain sa labas, lalo na at sa turo- turo.
Pagkatapos niyang magsalang ng mainit na tubig ay minabuti niya na hugasan na rin ang mga hugasan na hindi niya nahugasan kagabi. Dumating kasi si Kuya Larry para mag-inom ang dalawa, kaya naman hindi na lamang niya hinugasan ang ilang mga hugasin dahil siguradong
