GUSTUHIN mang magtanong ni Kieran kay Maria kung bakit wala man lamang itong ka-record-record sa Barangay o kahit sa Munisipyo, hindi na lang niya isinatinig pa. Baka kasi kung ano pa ang isipin ni Maria at hindi ikatuwa ang ginawa niyang paghahanap dito.
Ang importante na lang ngayon kay Kieran ay nakita at nakasama ulit niya si Maria na halos dalawang linggo rin niyang hindi nakita. Buong akala nga niya, wala ng pag-asa pa na muli itong makita. Mabuti na lang, mukhang naawa sa kaniya ang Diyos at muli itong ipinakita sa kaniya.
Matapos ang maghapon nilang pagsasama ni Maria sa kubo, inihatid na rin niya ito sa may labasan ng Hacienda Sullivan. Mahigpit din nitong ipinagbawal sa kaniya ang pagsunod niya rito sa takot na baka makita siya ng Tatay nito. Hinayaan na lang niya si Maria sa g
