Pumayag si Mari na magpakuha sila ng mga larawan ni Jared para ilagay sa wall ng Promise Cottage. Idinikit nila iyon na para bang tunay nga silang magkasintahan.
"Magaling kang um-acting," ani Jared sa kaniya.
"Wala akong choice kun'di sumabay kaysa sumablay." Ngumisi siya rito kasabay ng paglakad niya patungo sa may hanging bench sa ilalim ng mga coconut trees.
"At iyong tattoo mo?"
Nilingon ni Mari si Jared at hinawakan ang pala-pulsuhan niyang may tattoo. "Hindi naman ito mapapansin dahil sa relong suot ko."
Hindi na umimik pa si Jared. "Dito mo na ba hihintayin ang kaibigan mo?"
Tumango naman siya rito. "Salamat."
"Wala kang dapat ipag-thank you dahil maniningil din ako ng utang na loob mo sa akin." Kinindatan siya ni Jared bago siya nito talikuran at tunguhin ang cottage nito p
