"Kanina ka pa nakatingin doon sa Ale na nagtitinda ng mga gamot," untag ni Joaquin sa kaniya habang nagmerienda sila sa may burger machine at nakaharap sila sa matandang nagtitinda ng mga halamang gamot.
"May itinitinda kaya siyang pampalaglag?" wala sa sariling tanong niya.
Hinampas ni Joaquin ang kaniyang balikat. Napasigaw pa siya sa sakit dahil nagmarka ang dulo ng notebook na inihampas nito sa braso niya.
'Tsaka siya nito hinila palayo sa burger machine at nang makalayo sila ay pinameywangan siya nito.
"Ano bang sinasabi mo ha Mari? Huwag mong sabihin sa akin na kaya mo iyan iniisip ay dahil buntis ka," matigas na sabi nito na tumingin pa sa paligid.
Lumapit sa kanila ang staff sa burger machine para iabaot sa kanila ang kanilang pagkain. Naglakad siya patungo sa park, walang gaa
