Nakaupo mula sa balcony ng kaniyang bahay si Sid. Habang hawak ang singsing na dapat sana ay ibibigay niya kay Mari ngunit hindi iyon nangyari.
Hindi na niya gusto pang pilitin ang tadhana. Hindi sila nababagay ni Mari, ikakasal na siya at kailangan niyang panindigan ang magiging anak nila ni Denise. Kahit na ang tunay niyang mahal ay si Mari.
Alam niyang sobra na niyang nasasaktan ang sarili at ang dalagang mahal niya. Kung patuloy niyang ipipilit ang mali lalo lamang bibigat ang sitwasyon nilang dalawa. Lalo na ngayon na alam na ni Denise ang totoo.
Nakonsensiya siya bilang nobyo nito ngunit hindi niya pinagsisihan ang nagawa niya. Ang bawat araw na nakasama niya sa Isla Paraiso si Mari ay ang mga araw na pinakamasaya para sa kaniya.
Humiga siya sa balcony habang nakataas ang kamay.
