KINABUKASAN nga ay nagtungo kami sa Garrette. Pagkarating namin sa mansion nila Hades naghihintay na roon sila Tito Scoth, Tita Celestine at Hera. Ang isang babaeng nandoon ay hindi ko kilala.
"Sorry kung naghintay kayo ng matagal," si Hades.
Sinalubong ako ng yakap ni Tita Celestine at pinaupo niya ako sa tabi nila ni Hera. Si Hades naman ay nanatili lang sa tabi ng ama nito habang nakatayo.
Nabaling ang tingin ko sa babaeng nandoon. Sa tingin ko ang edad niya ay hindi nalalayo sa 30s or 40s.
"Siya ba ang babaeng may kakayahang muling buhayin si Vladimir?" anito na mataman akong tinitigan pagkakuway bumaling ito ng tingin kay Hades.
"Hindi ko gusto itong ginagawa mo, Hades. Ramdam ko ang paghihirap na dala ng babaeng ito para sa'yo," sabi pa nito.
Ramdam ko rin na hindi niya ako gus
