Ngayon ko lang naisip na simula noong lumipat kami dito ay wala akong nakikitang ibang tao sa building na ito kun'di kaming tatlo lang. May mga pinto ngang nakahilera sa bawat hallway pero ni minsan ay hindi ko pa nakitang nagbukas o may mga taong nakatira sa bawat pinto.
At kahit nagsisigawan na kami dito maging sa hallway ay wala man lang sumasaway sa amin. Dahil hindi talaga ito apartment! Pero bakit gano'n ang pagkakagawa ng bahay na ito? Puro hallway!
Kung titingnan mo kasi sa labas ay para talaga siyang apartment pero bakit pagpasok sa loob nitong kay Ghian ay hindi mo na masabing apartment dahil para ka ng nasa loob ng isang mansion. Naguguluhan na naman ako!
Pero bakit gano'n ang sinabi ni Aling Petra? Sila ba talaga ang may-ari nito o si Ghian?!
Patuloy lang siya sa paglangoy
