Veronica's POV
ILANG beses akong napakurap-kurap dahil sa narinig mula sa bibig ni Chronos. "Ano nga ulit iyon?"
Ngumiti ito bago pinagsalikop ang mga daliri at itinukod sa mesa ang magkabilang siko. "Ayaw mo ba?"
Bumuntong-hininga ako. "E-e, h-hindi naman sa gano'n, pero... "
"Pero?" ulit nito sa sinabi ko.
Umismid ako bago sumandal sa inuupuan. "Ang usapan, kukunin namin kayong supplier, h-hindi ang bibigyan mo kami ng fifty percent discount sa lahat ng kukunin naming bulaklak."
Bahagyang natawa si Chronos. Mabilis akong sumimangot. "Huwag kang mag-alala, hindi malulugi ang kompanya namin."
Natawa na rin ako sa sinabi niya at umiling ng ilang beses. "Hindi `yon ang inaalala ko. Baka kasi magtaka si Tita Sabel."
Tumango siya bago isinandal ang ulo sa inuupuan. "Sige, kung ayaw mo
