Veronica's POV
NAGTAKA ako sa sinabi nito. Baka hindi na nila ako galawin? Sinong sila?
"Bakit nila, Chronos? Sino sila?"
Matagal niya akong tinitigan bago muling sumilay ang banayad na ngiti sa mga labi nito. Muli niyang hinawakan nang marahan ang kamay ko.
"Huwag mo nang intindihin iyon. Ipinapangako ko, hinding-hindi ko na uulitin ang kanina, Nica."
Bahagya akong tumango sa sinabi nito. Maya-maya, bigla kong napansin na magdidilim na pala sa labas. Akmang tatayo na ako upang magpaalam nang may bigla akong maalala.
"Siyang pala, Chronos, tutuloy pa ba tayo sa inyo?"
Sa pangalawang pagkakataon, matagal na naman niya akong pinagmasdan. Tila nagdadalawang-isip ito kung ano ang isasagot sa akin. Makaraan ang ilan sandali, desidido itong tumango.
"Oo. Kailangan kitang ipakilala sa kan
