Veronica's POV
ALAS-OTSO pa lang ng umaga, nasa labas na ng bahay si Chronos at naghihintay sa akin. Paano ba naman, tinakasan ko ito kagabi.
Matapos akong ihatid ni Uncle Markus, sandali lang akong dumaan sa room namin at kinuha ang aking bag, pagkatapos niyon, dumiretso na ako sa room nina Ate Michelle. Nang makabalik kasi ako ng silid-aralan namin, wala roon ang buong barkada. Nag-alala ako kaya dumiretso ako kay Ate Michelle sa pag-aakalang naroon si Lea.
Pero nang makauwi kami sa boarding house, nakatanggap ako ng text mula kay Lea. Hindi raw ito uuwi dahil sa bahay ni Rosa siya matutulog. Hindi na ako nagtanong, alam ko naman na mas matutulungan siya ni Rosa sa problema nila.
Nakasimangot ako nang harapin ko si Chronos. Inimbitahan ako nito sa bahay niya dahil may hinanda raw ito
