Veronica's POV
AYAW huminto sa pagpatak ang mga luhang kanina ko pa pinipigilan. Hindi ko alam kung dapat ko bang sisihin ang sarili ko sa nangyari. Gusto ko lang naman mabigyan ng hustisiya ang pagkawala ni Anzo, pero hindi ko ginustong mapahamak si Chronos o ang ibang tao.
"Walang magagawa `yang pag-iyak mo. Kung ako sa `yo, umalis ka na rito at bumalik sa kung saan ka talaga nararapat!" nilingon ko si Mia sa narinig.
"Paano na si Chronos? Anong gagawin sa kaniya ni Magus?" sunod-sunod kong tanong.
Nakita ko itong bumuntonghininga. "Ginawa iyon ni Chronos para iligtas ka. May Diyos kayo, `di ba? Ipagdasal mong hindi siya mapatay ni Magus. Malakas si Big Bro, pero dahil matagal na siyang hindi nakakainom ng dugo mula sa tao, nanghihina na ang katawang aswang niya."
Tumitig ako sa kaw
