Veronica's POV
Nang makalapit si Chronos sa mga ito ay sinuri siya ng tingin ng lalaking mataba mula ulo hanggang paa.
"At sino ka naman, ha!"
Tumawa ang kasama nito at bumulong, "Boypren yata ni Miss Byutipol."
Mula kay Chronos ay nalipat ang tingin nito sa akin. Ngumisi ito bago ibinalik ang tingin kay Chronos.
"Ano ngayon kung gerlpren mo `to!" Duro nito sa akin. "Papalag ka ba?"
Matangkad si Chronos kaysa sa dalawang lalaki, kaya nang lumapit siya sa mga ito ay tumingala pa ang dalawa sa kaniya. Ilang minuto rin silang nagsukatan ng tingin bago biglang nag-iba ang ekspresiyon ng dalawa.
Biglang umatras mula kay Chronos ang lalaking payat at mukhang adik, lakad-takbo itong lumayo mula sa amin.
"Potoy! Hoy, gago! Hintayin mo ako, tanga!" sigaw naman ng lalaking mataba at palipat-
