Chronos' POV
"C-CHRONOS... "
Naalimpungatan ako nang marinig ang impit na ungol ni Nica. Binuksan ko ang aking mga mata at mabilis na natigilan nang masilayan ang mukha niyang namimilipit sa sakit. Naglaho ang antok at agad na naupo mula sa pagkahihiga.
"Nica, manganganak ka na?" Agad na nabuhay ang kaba sa dibdib ko.
Huminga siya nang malalim at mahigpit na humawak sa aking kamay. "P-parang... C-Chronos, ang sakit!"
Mabilis akong tumayo at kinuha ang susi ng kotse sa ibabaw ng mesang katabi ng aming kama. Lumapit ako sa tabi niya at pinahid gamit ng aking mga kamay ang pawis niyang namuo sa kaniyang noo.
"Kumapit ka sa akin," bulong ko.
Mahigpit ko siyang hinawakan sa magkabila niyang braso at inalalayan palabas ng aming kuwarto. Ngayon ang ika-anim na buwan ni Nica. Ayon sa kaniya
