Veronica's POV
HUMUGOT ako ng malalim na hininga. Inipon ko ang natitira kong lakas at pinilit ang sarili na tumayo. Mula sa kalsadang nagkulay pula na dahil sa nagkalat na dugo, ibinaling ko ang tingin ko sa daan at nagsimulang tumakbo.
Nanghihina na ako sa takot ngunit pinilit kong ipagpatuloy ang pagtakbo. Halos patiran ako ng hininga, pero hindi ako huminto. Kulang na lang ay lumipad ang mga paa ko sa lupa, makalayo lamang doon.
Huminto ako sa pagtakbo nang marating ang tindahan ni Aling Puring. Wala ito sa loob at marahil ay nasa kusina at nagluluto. Dumiretso ako sa boarding house. Pagkapasok ng bahay ay doon pa lang humupa ang takot na nararamdaman ko.
Habol hiningang umakyat ako sa itaas at sinindihan ang ilaw. Binuksan ko rin ang telibisyon at nilakasan ang volume. Sa paraan n
