Veronica's POV
MAY pag-aalinlangan ko iyong tinanggap. Ayoko talaga sa tuwing nagiging generous itong si Chronos, unti-unti na nitong nababago ang tingin ko sa kaniya. At ayokong mangyari iyon. Naniniwala pa rin ako na may kinalaman ang pamilya niya sa sunod-sunod na pagpatay sa lugar namin. Desidido akong alamin ang buong katotohanan.
"Hihintayin kita bukas ng umaga," ngumiti ito bago tuluyang nagpaalam.
Naiwan akong nakatulala roon. May iilan pang motor ang dumaraan sakay ang ilang estudiyante mula sa school namin. Napapalunok akong tumitig sa mga ito.
Bakit sa dinami-rami ng tao, ako pa? Normal na buhay lang naman ang gusto ko, pero bakit ganito ang mga nangyayari?
Mabigat ang dibdib na tinungo ko ang boarding house namin. Nang marating ito, nakita ko si Beatrice, nakayuko habang h
