Veronica's POV
MULA sa libing, dumiretso kami ng buong barkada kasama si Chronos sa eskuwelahan dahil malapit na rin mag-alas-kuwatro ng hapon. Maliban na lang kay Sam na sinamahan sa pag-uwi ang mga magulang ni Anzo.
Sa pagdating namin sa paaralan, agad nang nagpaalam si Lea sa amin. Ayon sa kaniya, magkikita sila ni Arnel sa English park. Sina Angel at Rosa naman, sumama kina Jeric at Rico, may pag-uusapan yatang importante ang mga ito. Samantalang kami ni Chronos, pumunta sa rooftop ng building ng senior high. Doon ay nagpalipas kami ng oras na magkasama.
"Wala ng bawian," maya-maya ay narinig kong sabi nito.
Mula sa mga bulaklak sa paligid ng bench kung saan kami nakaupong dalawa, nalipat sa mukha niya ang tingin ko.
"Ano?" nagtataka kong tanong.
Ngumiti ito bago nilingon ang mg
