WALANG malalakas na hiyawan. Wala ring malalakas na kalampag. Ito ang nangyari matapos talunin ni Mars ang Maharlika ng Lupa na si Isago. Ang mga Maharlika namang nasa itaas ng entablado ay hindi makapaniwala sa kanilang nasaksihan. Hindi nila lubos maisip kung saan nagmumula ang kapangyarihan ng Sero. Isa pa, ang pagpapalit-anyo nito ay noon lamang din nila nasaksihan sa buong buhay nila. Isa ba itong kasaysayan? Ni sa alamat ay walang nasusulat na ganitong abilidad. Kaya nga isang bagay ang naging malinaw na sa kanila, pambihirang nilalang ang binatang Sero at siguradong malaki ang tsansa nitong magtagumpay sa paligsahang ito.
Mabilis na ring nagsibabaan ang mga kawal na Terranian, at kasama rin ang ilang Aquanian. Pinagaling ng mga ito ang prinsipeng si Isago. Hindi naman ito kaagad na
