Nang sumunod na mga araw, naramdaman ni Catherine ang malaking pagbabago kay Marius. Naging mas malambing na ito sa kaniya. Hindi naman nila pinag-usapan pero naging mas madalas na ang pagtulog nila nang magkatabi. Nakasanayan nila na magkuwentuhan bago matulog hanggang sa nakakatulog na sila sa kama ni Marius.
Dahil sa pagiging mas malapit nila sa isa’t isa, unti-unti nang napapalapit din sa puso ni Catherine si Marius. May mga araw na excited siya kapag sumasapit na ang gabi dahil papauwi na si Marius. Natutuwa siya dahil sumasabay itong palagi sa dinner. Masaya din si Sofia dahil palagi nilang nakakasama ang daddy niya.
“How about we go to the park tomorrow? It’s the weekend, I can take a day off.”
“Yehey!” Tuwang tuwa si Sofia habang nasa dinner table sila.
“Oops, careful Sofie,
