Halos hindi nakatulog si Catherine nang gabing iyon. Excited na siyang mag-umaga para makita na agad si Grace. Unang araw ng bakasyon pero imbis na matulog pa nang mahaba, maagang bumangon si Catherine at naligo kaagad. Nagbihis siya ng paborito niyang shorts at simpleng tshirt. At pagkatapos ay naghanda siya ng almusal.
Pakanta-kanta pa si Catherine sa kusina habang gumagawa ng simpleng french toast. Gumawa din siya ng orange juice. Nang makahanap ng apple and grapes sa ref, binalatan niya ang apple at hinati hati sa apat. Naglagay siya nito sa isang plastic container. Nagbalot din siya ng french toast.
“Hmm, Catherine, ang aga mo nagising, ah.”
“Hi Kuya Alwyn!”
“Ang saya ah. Ano’ng meron?”
“Wala naman kuya, masaya lang kasi first day ng bakasyon.”
“O e bakit ka nagbabalot ng p
